Fundacion Pro Lechi Mama Aruba
Our Main Sponsor:
Noticia
4 Augustus 2010
Fundacion Pro Lechi Mama ta lansa su website nobo!
" www.prolechimama.com "
Diaranson 4 di augustus ultimo Fundacion Pro Lechi Mama a lansa su
website www.prolechimama.com.
Fundacion Pro Lechi Mama ta sumamente contento cu despues di algun aña
sin un website porfin e momento a yega cu nos por a realisa nos soño
atrobe di tin nos propio website. Pa hopi tempo caba PLM tabata haya e
peticion pa cu un website. Mirando con awendia tur cos ta draai tras di e
mundo cybernetico nos tampoco no por keda afo.
Primeramente nos tin di gradici nos sponsor principal cu ta Sr. Alejandro
Muyale di TIARA AIR . Sin nan sosten esaki no por a bira un realidad pa nos
y tambe na nos website designer sr. David Alex Wing cu a dedica tempo na
nos website.
Pa nos ta importante cu tur hende sa cu nos tin nos mesun website cual ta
www.prolechimama.com y cu riba nos website tambe bo por ‘download’ nos
folder y un buki cu nos tin completamente na papiamento. Tambe por haya
informacion tocante nos anochinan informativo y na cua manera por tuma
contacto cu nos.
Poco poco nos ta bay ta agregando mas informacion nan di lo mas ultimo
riba e tema di lechi di pecho.
E lansamento oficial a tuma lugar door di Dr. Blok, director di
Volksgezondheid Dienst y tabata un exito y PLM kier a gradici tambe e
sosten cu nos a ricibi di Minister Visser y su ministerio, Directie
Volksgezondheid, Hospital, Wit Gele Kruis, CIZKA. Tambe na Cas di Partera
cu a pone nan lugar disponibel pa esaki por a tuma lugar.
Un biaha mas un danki ta bay na Sr. Alejandro Muyale di Tiara Air cu ta nos
sponsor principal, na Romar Trading , De Veer & Sons y na Chelli’s snacks &
catering pa nan sponsor pa cu e lansamento di nos website.
Un biaha mas PLM ta invita tur hende pa no keda sin bishita nos website
www.prolechimama.com y corda cu lech’i pecho, alimentacion for di
curason!
Bek pa pagina di Noticia
