Fundacion Pro Lechi Mama Aruba
Our Main Sponsor:
6 Oktober 2009
‘Quintessence Breastfeeding Challenge’ 2009
Diasabra ultimo Fundacion Pro Lechi Mama Aruba a organisa pa prome
biaha na Aruba e ‘Quintessence Breastfeeding Challenge’, un reto na unda
mamanan di un forma simultaneo ta duna pecho na nan yiunan. E evento aki
a tuma lugar na Paseo Herencia dilanti Moby Dick Restaurant den oranan di
mainta pa merdia.
Pakiko e reto a tuma lugar awo? Tur aña durante di e 40 siman di aña,
Fundacion Pro Lechi Mama mescos cu diferente otro país na mundo ta
celebra e siman internacional di dunamento di lechi materno, pues World
Breastfeeding Week (WBW). E biaha aki PLM a dicidi di haci algo diferente
y a dicidi pa organisa e reto aki na Aruba pa crea un impacto, celebrando e
siman aki y na mes momento stimula mas mama pa duna pecho na nan
yiunan. Esaki pa PLM ta un manera mas pa stimula y educa mamanan na
Aruba riba e importancia di duna nan yiu lechi di pecho.
Durante di e oranan di e reto aki tambe tabata tin presentación di e
articulonan pa mama y yiu y/of baby di algún compania local.
Banda di esaki un cantidad grandi di mama a acudi pa asina por a participa
na e reto, poniendo Aruba di e forma aki tambe riba e lista internacional di e
paísnan cu ta participa tur aña na e reto y cu naturalmente ta stimula lechi
materno pa nos chikitonan.
Pro Lechi Mama ta hopi contento cu e acogida cu e mamanan ta tin pa cu e
‘challenge’. Tambe nos por menciona cu un total di 26 baby/mucha a
participa na e ‘challenge’ y nos ta hopi contento cu nos ta aparece riba e
lista di ‘Quintessence Foundation’. Por mira mas di esaki riba: http://www.
babyfriendly.ca/challenge/2009/country_result.php
Tambe nos no por keda sin gradici tur nos sponsorsnan cu a haci e evento
aki bira uno posibel y exitoso. Un danki ta bai na: Manrique Capriles N.V.,
CERD N.V., Banco di Caribe Aruba N.V., PricewaterhouseCoopers, Visser
Holding N.V., Taste of Belgium, Treasure Box, Mommies & Bellies, Arawak
Mums, Carmen Pastechi N.V., Little Kingdom, Pampers , Oduber Agencies,
Moby Dick Restaurant, Emco pa e tremendo trabou pa cu e t-shirts nan, na
Paolo Inocencia pa e bunita diseño di nos flyer y tambe na Sharmaine,
Valery y Sidney di Paseo Herencia pa tur e cooperación cu nos a ricibi for di
nan pa e bunita evento aki a bira realidad.
Di nos banda nos ta duna tur e mama nan cu a participa un pabien paso
danki na nan, nan baby tambe ta conta! Cual ta e lema di e ‘Breastfeeding
Challenge’, Tur baby ta conta!
Riba e foto nan por wak e mama y e baby nan cu tabata presente pa asina
participa na e gran evento aki cu sigur ta sirbi como gran estimulo pa esnan
cu ta mama of lo bira mama pronto.
Bek pa pagina di Noticia
| ‘Quintessence Breastfeeding Challenge’ 2009 |
Noticia