Fundacion Pro Lechi Mama Aruba
Our Main Sponsor:
5 October 2010
COMUNICADO DI PRENSA
Quintessence Breastfeeding Challenge: un Exito Rotundo!
Fundacion Pro Lechi Mama Aruba (PLM) a cera e siman di lech’i pecho
celebrando e segundo Quintessence Breastfeeding Challenge, hunto cu otro
paisnan na mundo. E intencion di e Challenge of reto ta pa logra reuni mas
tanto mama riba un lugar y pa nan pone nan yiu na pecho simultaneamente.
Aña pasa PLM a organis’e pa prome biaha y a logra reuni 24 mama cu 26
baby.
E aña aki a organis’e diasabra 2 di oktober na Wilhelminapark di 4:00-6:00
pm. Aunke e aña aki no a kibra e record di aña pasa, toch a iguala e
cantidad di aña pasa y esey apesar di e pronostico di tempo malo, toch a bin
24 mama pa participa na e Challenge! E baby mas chikito den e Challenge
tabatin 3 siman y esun mas grandi tabatin 3 aña di edad. Un pabien na tur e
mamanan aki y tur otro mama cu no a logra bini pero cu si ta duna nan yiu
pecho. Ta deseo di PLM cu nan sigui asina!
E Challenge a conta cu presencia di Minister Michelle Hooyboer-Winklaar y
tambe di director di Departamento di Salud Publico, dr. Derek-Ian Blok.
Minister a conta e mamanan cu e yiunan na pecho y dr. Blok a marca
esakinan riba e contador digital. Minister Visser tambe ta sostene
Fundacion Pro Lechi Mama tur cu tin, pero pa motibo di compromisonan
previo no por tabatei. Minister Hooyboer-Winklaar a duna Fundacion Pro
Lechi Mama un bunita sling cu e mes a usa cu un di su yiunan. Fundacion ta
gradici Minister inmensamente pa cu esaki.
Ademas di oportunidad pa mamanan sinta relaha cu nan baby y casa den e
park, tabatin oportunidad pa otro yiunan mas grandi por sinta pinta. Tambe
tabatin cash’i cuenta (poppenkast) pa cortesia di sra. Desiree Corea. No
mag laga afo e bunita sling fashion show teni pa Caribirth Pre- & Postnatal
Services y Awawak Moms.
PLM ta gradici tur esnan cu a contribui pa haci e evento aki un exito
rotundo. Taste of Belgium, Compra N.V., Treasure Box, Autumn Design,
Oduber Agencies, Kiekebooh, De Veer & Sons, Andina Ice, Manrique
Capriles, Ecotech, y Primadonna Beauty Salud.
Tambe PLM ta gradici Meta Corp pa cooperacion pa usa e parke, DOW pa
pone tentnan y sr. Patrick Nogera pa pone su ekipo di zonido na disposicion
di PLM pa e evento aki. Un tremendo danki tambe na fotografo Angelo
Flanegin. Tambe un danki na sr. Eric Gomez pa presta kloknan digital pa haci
e count-down. PLM ta gradici un y tur cu a haci e Quintessence
Breastfeeding Challenge un exito total!
Bek pa pagina di Noticia
Noticia
