Fundacion Pro Lechi Mama Aruba
Historia
Na fin di añanan ’90 varios hende trahando den e ramo di cuido materno-
infantil a sinti falta di un fundacion cu lo por stimula lech’i pecho. E tempo ey
ta masha poco tabata conoci tocante e tema aki na Aruba. Duna pecho tabata
logra solamente si e mama tabata motiva y si e baby tabatin un talento
natural pa bebe bon na pecho. Debi na e tiki conocimento cu tabata tin y na e
falta di conocimento con pa reacciona na momento cu sugri un problema,
dunamento di pecho tabata djis un experimento. Hopi biaha mamanan tabata
stop di duna pecho asina cu complicacionnan (chikito) presenta.
Pero un persona a tuma e rienda: sra. Minouche Lopez. Despues di nacemento
di su prome yiu muher, el a ripara ta con tiki informacion tocante lech’i pecho
tabata tin na Aruba, y tambe cuanto contesta contradictorio riba preguntanan
simpel e tabata haya door di diferente profesional trahando den cuido
materno-infantil.
E unico manera cu el a sinti cu e por a haya mas claridad ta door di busca pa
su mes riba internet. Un mundo a habri p’e y no a tarda mucho cu el a ripara
cu e tabata keda facina pa tur loke e tabata siña tocante lech’i pecho.
Minouche a dicidi e ora ey cu tur hende mester sa con importante lech’i pecho
ta pa un mucha. Tur hende mester conoce e bentahanan pa e yiu y pa e
mama, pero tambe kiko dunamento di pecho ta encera realmente.
Su conclusion tabata: Tur mama tin e derecho pa ser informa debidamente y
pa haya un bon guia pa asina e mama por logra un cos: duna su yiu lech’i
pecho minimo 2 aña, di cual e prome 6 lunanan exclusivo, manera
Organisacion Mundial di Salud ta recomenda.
Net e tempo ey sra. Filomena Franken tabata haciendo su estudio di
enfermeria. E tambe tabatin e mesun pasion pa lechi materno. Di manera cu
ora nan camindanan a crusa nan a dicidi hunto pa lanta Fundacion Pro Lechi
Mama.
Na fin di añanan ’90 varios hende trahando den e ramo di cuido materno-
infantil a sinti falta di un fundacion cu lo por stimula lech’i pecho. E tempo ey
ta masha poco tabata conoci tocante e tema aki na Aruba. Duna pecho tabata
logra solamente si e mama tabata motiva y si e baby tabatin un talento
natural pa bebe bon na pecho. Debi na e tiki conocimento cu tabata tin y na e
falta di conocimento con pa reacciona na momento cu sugri un problema,
dunamento di pecho tabata djis un experimento. Hopi biaha mamanan tabata
stop di duna pecho asina cu complicacionnan (chikito) presenta.
Pero un persona a tuma e rienda: sra. Minouche Lopez. Despues di nacemento
di su prome yiu muher, el a ripara ta con tiki informacion tocante lech’i pecho
tabata tin na Aruba, y tambe cuanto contesta contradictorio riba preguntanan
simpel e tabata haya door di diferente profesional trahando den cuido
materno-infantil.
E unico manera cu el a sinti cu e por a haya mas claridad ta door di busca pa
su mes riba internet. Un mundo a habri p’e y no a tarda mucho cu el a ripara
cu e tabata keda facina pa tur loke e tabata siña tocante lech’i pecho.
Minouche a dicidi e ora ey cu tur hende mester sa con importante lech’i pecho
ta pa un mucha. Tur hende mester conoce e bentahanan pa e yiu y pa e
mama, pero tambe kiko dunamento di pecho ta encera realmente.
Su conclusion tabata: Tur mama tin e derecho pa ser informa debidamente y
pa haya un bon guia pa asina e mama por logra un cos: duna su yiu lech’i
pecho minimo 2 aña, di cual e prome 6 lunanan exclusivo, manera
Organisacion Mundial di Salud ta recomenda.
Net e tempo ey sra. Filomena Franken tabata haciendo su estudio di
enfermeria. E tambe tabatin e mesun pasion pa lechi materno. Di manera cu
ora nan camindanan a crusa nan a dicidi hunto pa lanta Fundacion Pro Lechi
Mama.
Oficialmente a cuminsa dia 31 di januari 2001 cu tur e preparacionnan, hunto cu sr. Facundo Franken y sra. Anita Aerts
(partera). Di e preparacionnan aki a sali e nomber, e statutonan y e reglamentonan pa e fundacion.
A dura precis 1 aña prome cu Fundacion Pro Lechi Mama a keda registra oficialmente: dia 30 di januari 2002 e
fundacion a nace legalmente.
Sra. Cristina van den Berg-de Freitas, e tempo ey Gobernador Interino, a bira protectora di nos fundacion.
For di e tempo ey Fundacion Pro Lechi Mama no a para keto. Den tempo record el a profila su mes y actualmente hopi
mama y otro interesadonan ta haci bon uso di e informacion duna, e liñanan di ayudo, e guia individual y e anochinan
‘Di Mama pa Mama’ (yama tambe ‘moedergroepen’).
Fundacion Pro Lechi Mama a bira un concepto bon conoci den nos comunidad y no por falta mas na Aruba. Y nos ta
masha orguyoso di por bisa cu danki na Fundacion Pro Lechi Mama awe hopi mas mama ta duna lech’i pecho pa mas
tempo.
Cada mucha cu haya lech’i pecho ta uno mas. Ta p’esey nos t’ey. Y nos lo sigui traha cu nos team dinamico pa logra
nos meta di stimula lech’i pecho na Aruba.
Directiva Fundacion Pro Lechi Mama.
(partera). Di e preparacionnan aki a sali e nomber, e statutonan y e reglamentonan pa e fundacion.
A dura precis 1 aña prome cu Fundacion Pro Lechi Mama a keda registra oficialmente: dia 30 di januari 2002 e
fundacion a nace legalmente.
Sra. Cristina van den Berg-de Freitas, e tempo ey Gobernador Interino, a bira protectora di nos fundacion.
For di e tempo ey Fundacion Pro Lechi Mama no a para keto. Den tempo record el a profila su mes y actualmente hopi
mama y otro interesadonan ta haci bon uso di e informacion duna, e liñanan di ayudo, e guia individual y e anochinan
‘Di Mama pa Mama’ (yama tambe ‘moedergroepen’).
Fundacion Pro Lechi Mama a bira un concepto bon conoci den nos comunidad y no por falta mas na Aruba. Y nos ta
masha orguyoso di por bisa cu danki na Fundacion Pro Lechi Mama awe hopi mas mama ta duna lech’i pecho pa mas
tempo.
Cada mucha cu haya lech’i pecho ta uno mas. Ta p’esey nos t’ey. Y nos lo sigui traha cu nos team dinamico pa logra
nos meta di stimula lech’i pecho na Aruba.
Directiva Fundacion Pro Lechi Mama.
Our Main Sponsor: